“Yuxu maşını” romanı ruscaya tərcümə olundu

Yazıçı, filologiya üzrə fəlsəfə doktoru Şəmil Sadiqin “Yuxu maşını” romanı rus dilinə tərcümə olunub. Kitabın tərcüməçisi Narxanım Cəfərova, redaktoru Elena Arslanova, dizayneri Teymur Fərzidir. Fantastik janrda yazılan “Yuxu maşını” Azərbaycanda oxucu rəğbəti ilə qarşılanmışdı. Bu səbəbdən yazıçı kitabı ruscaya tərcümə etdirmək qərarına gəlib və inanır ki, əsər rusdilli oxucuların da müsbət qiymətini ala biləcək.