Sabir Rüstəmxanlının "Dərdə əyilmə" kitabı təqdim olundu

Mayın 26-da Kitabevim.az kitab marketində Hədəf Oxucu Klubunun təqdimatında Xalq şairi Sabir Rüstəmxanlının oxucularla görüşü oldu.Bununla yanaşı “Dərdə əyilmə” kitabı da oxuculara təqdim olundu.

Görüşdə KİV nümayəndələri, Sabir Rüstəmxanlının qələm dostları, ictimai-siyasi xadimlərvə gənclər iştirak ediblər.  Tədbiri giriş sözü ilə Oxucu Klubunun moderatoru Odər Sərdar açıb. O, tədbir iştirakçılarını salamladıqdan sonra kitab haqqında oxucuları geniş məlumat verib. Daha sonra Bakı Atatürk liseyinin müəllimi Bedreddin Güreş, BAO-nun əməkdaşı Araz Şamil, şair, Atatürk mərkəzinin şöbə müdiri Əkbər Qoşalı, Türkiyə Azərbaycan Dərnəkləri başqanı, “Səs” qazetinin baş yazarı Bilal Dünadar, Türkiyəli tanınmış rəssam İlhan İşbaşı, şair Sahib Əliyev, şair Saday Şəkərli və digər qonaqlar çıxış etdilər.

Tədbirin gedişində Sabir Rüstəmxanlı oxucular üçün öz şeirlərini söylədi.