Xəzər Universitetində tələbələrlə görüş - II “Kitabqurdu” Payız Oxu Marafonu

II “Kitabqurdu” Payız Oxu Marafonu çərçivəsində Azərbaycan Nəşriyyatları Assosiasiyası Xəzər Universitetində tələbələrlə görüş keçirib.

Senet.az assosiasiyaya istinadən xəbər verir ki, görüşdə marafonun siyahısına düşən "Koramal" kitabının müəllifi, yazıçı Rövşən Abdullaoğlu çıxış edib, tələbələrin suallarını cavablandırıb.

Marafon haqqında ətraflı məlumat əldə edən tələbələr 3 ay ərzində 8 kitab oxuyaraq vaxtlarını səmərəli keçirmək fikrini maraqla qarşılayıblar.

Daha sonra aktyor Əhliman Ərşadlı və teatrşünas Afaq Ağayeva “Koramal” kitabından bir hissə səsləndiriblər.

Sonda sözügedən kitab əsasında çəkilmiş qısa videoçarx nümayiş etdirilib.

Qeyd edək ki, II “Kitabqurdu” Payız Oxu Marafonu çərçivəsində müxtəlif universitetlərdə tələbələr və müəlliflər arasında görüşlər davam edəcək.