İstiqlal Muzeyində “Əsrin sınağı” adlı sərgi

Martın 30-da Azərbaycan İstiqlal Muzeyinin ekspozisiyasında “Əsrin sınağı” adlı tədbir-sərgi keçiriləcək.

Muzeydən Senet.az-a bildirilib ki, sərgi ölkə başçısının imzaladığı “1918-ci il azərbaycanlıların soyqırımının 100 illiyi haqqında” müvafiq Sərəncama əsasən təşkil olunacaq.

Sərgidə muzeyin fondlarında saxlanılan və muzeyə yeni daxil olmuş Azərbaycan xalqının başına gətirilmiş dəhşətləri özündə əks etdirən Sabir Çopurovun, Nazim Məmmədovun, Cavid Bayramlının, Sara Manafovanın, Əşrəf Heybətovun, Rahib Qarayevin rəsm və heykəltəraşlıq nümunələri nümayiş ediləcək.