“Düşüncələr” xalçasının toxunma prosesindən danışılıb

Azərbaycan Milli Xalça Muzeyinin “Ənənələri yaşadanlar” rubrikasının növbəti mövzusu “Düşüncələr” xalçasının toxunma prosesinə həsr olunub.

AZƏRTAC xəbər verir ki, yanvarın 19-na nəzərdə tutulan onlayn görüşdə xalçaçı-texnoloqlar İlhamə Əhmədova və Əminə Əliyeva xalçanın ərsəyə gəlməsi prosesi haqqında ətraflı məlumatlar veriblər. Xalça dahi Azərbaycan şairi Nizami Gəncəvinin 880 illiyinə həsr olunmuş beynəlxalq xalça eskizi müsabiqəsinin qalibi Eldar İbadullayevin eskizi əsasında toxunur.