Banski İsrailə qarşı - 700 min dollar

İngilis küçə sənətçisi Banskinin 2006-cı ildə İsraildə çəkdiyi divar rəsmi ABŞ-da auksiona çıxarılacaq.

Rəsmdə İsrail əsgəri tərəfindən eşşəyin şəxsiyyət vəsiqəsi yoxlanılmağı təsvir olunub. Rəssam bu yolla İsraildəki təhlükəsizlik tədbirlərini tənqid edir. 4 tonluq divar üzərinə çəkilən rəsm əsəri, sentyabrın 30-u auksionda divarla birlikdə satışa çıxarılacaq.

Əsərin başlanğıc qiyməti 700 min dollar olacaq.