Akademikin 90 illiyinə həsr olunan respublika konfransı keçiriləcək

Oktyabrın 22-də Azərbaycan Milli Elmlər Akademiyasının görkəmli alim, akademik Toğrul Şahtaxtinskinin 90 illik yubileyinə həsr olunan respublika konfransı keçiriləcək.

Bu barədə Senet.az-a Kataliz və Qeyri-Üzvi Kimya İnstitutundan məlumat verilib. Qeyd edək ki, Toğrul Şahtaxtinski 422 dərc olunmuş elmi işlərin və o cümlədən 11 monoqrafiyanın müəllifidir.

O, SSRİ və Rusiya Elmlər Akademiyasinin "Neftkimya" və "Kimyanin kinetikasi və katalizi" elmi şuralarinin dəfələrlə üzvü seçilib. Kariyerası boyunca 48 elmlər namizədi və 12 elmlər doktoru hazırlayıb.